Ka Jaintia Hills Development Society (JHDS) ryngkat bad ka jingiatreilang bad ka KHUBLEI GERMANY ki la pynlong ia ka jingai dawai ei Free Check up camp ha ka shnong Saphai ha ka 18-04-2026.
Ha kane ka jingai dawai ei la wan ia shimbynta kumba 600 tam ki nongshong shnong ka shnong Saphai bad kiwei de ki shnong ba marjan.
Ki check up kiba kynthup ia ka check up ia ki khmat, ki bniat, ki general checkup, x-ray, screening ia ka HIV bad kiwei de ki jingai jinghikai halor ka koit ka khiah la pynlong ha katei ka sngi.
Haba kren sha ki lad pathai khubor, u Rangbah shnong jong katei ka shnong u la Iaroh ia kitei ki artylli ki Seng kiba la shim ia katei ka sienjam ban shakri ia ki thainñ nongkyndong.
La pynphuh pynphieng shuh shuh ia katei ka sngi da ka jingiadonlang u President ka Khublei Germany u Gerhart Albert, u Director ka JHDS u Fr. Manbha Pakem, u Coordinator ka JHDS u Bah Denis Kurkalang bad kiwei de ki staff jong ka JHDS.
