Ka Jaiñtia Students’ Union (JSU) seng kmie haka jingïalam u Jersom Shylla, President, JSU-CB bad u Neilkee Mukhim, General Secretary mynta ka sngi ba ar kila leit ban kynduh ïa u Deputy Commissioner ka WJHD u Abhinav Kumar Singh, IAS ban dawa pynsangeh shwa ïaka DSC Grade-IV Examination ka ban long haka 29 tarik u Nailar.
La pynlong ïa seng ban pynsangeh shwa ïa kane ka Exam kala long wat ïa ka result jong ka Garde-IV kala dep khot Advertisement naduh 2021 bad ka Interview bala dep ha une u bnai June kam pat mih haduh mynta.
U Preisident ula ong wat ïa ka kam LDA kala don mynta haka mukotduma jong ka High Court na ka jingsuba ban don ka jinglehtuh, kumta ka seng kala dawa katba ym pat lah ban pynbeit ïa kane dei ban pynsangeh shwa ïa ki Exam DSC. Ula kyntu kino kino ki kam thungkam thungjam ki dei ban bud beit katkum ka rai bad ka jingbthah jong ka High Court ka jylla.
Shuh shuh ula ong kiba bun na ki nongïakhun DSC kila ud la nam ïa ki jingeh jong ki halor ka rukom leh ka DSC, kumta ka seng kan ïalam lynti nangne shakhmat bad ban dawa ïa ka hok jong ki nongïakhun Exam, khnang ban wanrah ïa khuid ba suba ha ka rukom thungkam thung jam.