Ha ka thong jong ka World No Tobacco Day 2026 ka ban long ha ka 31tarik May, ki khynnah skul haman ki shnong ki thaw ka Jylla ki la mih iashimbynta ha ka Tobacco Rally bad Signature Campaign halor ka theme ba ong “Tobacco Business of Death”.
Ha West Jaintia Hills District la sakhi ia ka jingiashimbynta shongshit ki khynnah skul ha ka Rally Against Tobacco bad ka Signature Campaign kaba la pynlong hapoh ka jingpeit jingpyniaid jong ka State Tobacco Control Cell ryngkat ka jingiatreilang ka State Education Department bad ka Sambanh Health Foundation.
Ka Jylla Meghalaya kadei kawei na ki Jylla ba bun eh ki briew ba kyrni ha ka jingdih biri, siktret, duma bad ka long ruh ka Jylla ba bun eh ki briew baioh ia ka jingpang bampong (Cancer) na ka daw jong ka jingdih biri, sikret, duma kumta ka jingpynlong ia kane ka prokram ka long shibynta ban khot kyrpad bad wer ia ki paidbah nongshongshnong ban kin iatreilang da kaba kiar na ka jingmlien ban im ryngkat ka jingpyndonkam ia u biri, sikret, duma kiba long ka bih ia ka jingim ba kordor jong ki briew.
Ia kane ka prokram la pynlong ha ka dur jong ka jingiakop naduh ka kyrdan Lower Primary, Upper Primary, Secondary bad Higher Secondary Level bad ka jingiakop kan long naduh Block Level, District Level bad State Level bad kane ka prokram kan kut ha ka 22 tarik May 2026.
