Hadien 6 bnai Ki Pulit ki la ioh ban kem noh ia uwei u briew uba kyrteng u Kennedy Khongsit 32 snem ka rta ha ka 1 tarik Ïaiong 2026 hadien ka jingsuba ba u donkti ban pyniap ia u Hepbrit Kyrshanbor Kharmudai uba dang 7 snem ka rta ba shong ba sah ha Nongrah Lum Marboh.
Kum ban shu pynkynmaw ka jingshah pyniap u Hepbrit Kyrshanbor Kharmudai ka dei hadien ba lap ia ka met jong u na rud surok law Rumnong ha Mawpat ha kaba u lah jah rngai na ïing ha ka 7 tarik Risaw 2025 ha ka por 4 baje bad lah lap ia ka met jong u Hepbrit ha ka step jong ka 9 tarik Risaw 2025.
Hadien kane ki Pulit ki la pynlong ia ka jingtohkit ban lap ia u briew uba donkti ban pyniap ia u Hepbrit Kyrshanbor Kharmudai.
Ha ka 1 tarik Ïaiong 2026 ki Pulit ki la ioh ban kem noh ia u briew uba kyrteng Kennedy Khongsit uba 32 snem ka rta na Nongrah uba suba donkti ban pyniap ia u heprit Kyrshanbor Kharmudai.
Ha ka 2 tarik Ïaiong 2026 ki Pulit ki la rah Medical Check up ia u Kennedy Khongsit bad hadien kane ki Pulit ki lah rah sha ïingkashari District & Session Court bad ki Pulit ki lah ioh 8 sngi ban tohkit ia u Kennedy Khongsit ha Police Custody.
