U Chief Electoral Officer jong ka Meghalaya u Dr. BDR Tiwari haba kren sha ki lad pathai khubor ha ka 12 tarik Jymmang 2026 u la pyntip ba ia ka elekshon MP shiteng samoi jong ka lok Sabha lah dei ban pynlong noh hapoh 6 bnai hadien ka jingkhlad noh u MP ka Shillong u Dr. Ricky AJ Synkon.
Nalor kata u la ong haba iadei bad ka elekshon MP sha Rajya Sabha u CEO u la pyntip ba hapoh u bnai jylliew yn sa pynlong noh ia ka elekshon MP sha Rajya Sabha.
Hadien ka jingkhlad noh u MP ka Shillong u Dr Ricky AJ Synkon ka Voice of the People Party ka la pynieng da u Dr. Batskhem Myrboh bad ka NPP ka la pynieng da u Dr. DRL Nonglait bad kiwei kiwei ki party kim pat shim la pynbna kyrtong ha kaba iadei bad ka elekshon MP shiteng samoi ka ban sa long hapoh 6 bnai.