Ka tnad ba dei peit ia ki jinglong jingman jong ka suiñbneng ka India Meteorological Department (IMD) kala iathuh ba ka jinghap jong u slap ha kine ki thaiñ North East kan neh haduh ka 5 tarik mynta u bnai.
Ka IMD kala iathuh ruh ba kan don ka jingthaba leilieh kumjuh ka jingbeh lyer kaba sted 30-40 km ha ka shikynta bad ruh 40-50 km ha ka shikynta.
Kane ka jingwan jong ka lyert kit slap ka dei da ka jingkhie jong ka er langthari ha ki bynta jong ka Assam bad Bihar kaba beh sha ki phang ka Bay of Bengal.
Ka IMD kala iathuh ba hapoh kine ki 24 kynta ka jylla Assam kala ioh slap haduh 70 mm. Ha jylla Meghalaya ka Mawsynram kala ioh slap 110 mm, ka Sohra ka ioh slap 100 mm katba ka Ratacherra bad ka Pynursla pat kila ioh slap mar 80 mm.