Ka Joint Action Committee JAC) jong ka Jaintia Truck Owners Association (JTOA) ha ryngkat bad ka East Jaintia Hills Truck Owner Association (EJHTOA) ha ka 8 tarik Jymmang 2026 ki la wan kynduh ia u Ma Sniawbhalang Dhar, Myntri ba khmih ia ka tnad transport ban pynsngew ha u ha kaba iadei bad ki kot kali.
Haba kren sha ki lad pathai khubor Bah Samiyoo Sayoo nongaiktien ka Joint Action Committee (JAC) jong ka Jaintia Truck Owners Association (JTOA) bad ka East Jaintia Hills Truck Owner Association (EJTOA) u la ong ka jingkynduh bad u Myntri ka tnad transport u Ma Sniawbhalang Dhar ka long ka sngi ka ban sah jingkynmaw namar ka tnad transport kaba bat da u Ma Sniawbhalang Dhar ka dei ka tnad treikam kaba sted tam namar ha ki 2 bnai ba la dep ka kynhun ka la kynduh ia u Myntri ka tnad transport haba iadei bad kajuh ka mat ban kyrpad ia ka sorkar ba kan map noh ia ki kot kali kiba lah slem.
Nalor kata u la pyntip ba u Myntri ka tnad transport Ma Sniawbhalang Dhar u la ong sha ka kynhun ba hapoh 10 haduh 15 sngi phin sa ioh ia ka khubor ba bha bad ka sorkar kan sa leh ia kaba ka lah haba iadei bad ka khajna na ka sorkar jylla ym na ka Sorkar pdeng.
Khatduh u la ong kane ka dei ka khubor ka ba bha ia baroh kiba don kali lyngba ka jingiarap u
Myntri ka tnad transport bad ka sorkar jylla da ka One Time Settlement Scheme kan iarap ia ki trai kali ban pyntyllun ia ki kam ki jam ynda la im biang ki kot kali jong ki.
Khatduh u la ong na ka liang ka kynhun kan sa iohsngew ia ka khubor babha katkum ka jingkular u Myntri ka tnad transport u Ma Sniawbhalang Dhar.
