Ka West Jaiñtia Police Cricket Club kala jop ïaka Moodymmai Cricket Club da 102 runs ha ka District Cricket League 2024 bala pynïaid da ka West Jaiñtia Hills District Cricket Association mynta ka sngi 3 tarik u ïaïong ha Madan Khliehtyrshi Mini Stadium.
Ïa ka Toss la jop daka Moodymmai CC kaba la jied ban bol (Field) nyngkong bad kala lah ban pynhap 9 wickets na ki 35 overs, kiba ïoh ban khur wickets bun ki long u Daowan Passah 5 wickets na ka 7 overs, katba na ka liang ka West Jaiñtia Police Cricket Club kala lah ban buh ïa ka thong da kaba kamai 197 run, ha kaba u Markini Lathong ula kamai 56 runs na ki 59 balls bad u Ishan Siangshai 37 runs na ki 41 balls.
Haba wan ban beh ïa ka thong ka Moodymmai CC kala lah ban kamai 95 runs tang hapoh 21.5 overs bad hap lut baroh ki Wickets. Kiba kamai run khambun ki long u Mickey Marngar 31 runs na ki 33 balls bad u Daowan Passah 13 runs na ki 23 balls. Na ka liang ka WJPCC kiba ïoh ban khur Wickets ki long u Marshal Pariat 3 wickets na ki 4.5 overs bad u VDS Rymbai 2 wickets na ki 5 overs.
Ïa ka Nam Man of the Match mynta ka sngi la ïoh da u Marshall Pariat jong ka West Jaiñtia Police Cricket Club.