Hadien ka jingjia kaba la mih ha ka 31 tarik Naitung 2026 ha Lum Syrman East Jaintia Hills halor ka Public Hearing jong ka Shree Cement Ka Hynniewtrep Youth Development Council ha ka 1 tarik Nailar 2026 ka la pynrem jur ia ka Sorkar jylla.
Haba kren sha ki lad pathai khubor u President jong ka HYDC Central Body u Bah Wraiywan Sohtun u la pynpaw ba ka jingpynlong ia katei ka Public hearing kam dei shuh ka Public hearing na ka bynta ban pyntreikam ka Shree Cement ka lah long pynban ka Public hearing ka Sorkar ka donkti ha kane ka Public hearing bad ka Sorkar kam kwah ba ka public hearing kam shym urlong hynrei ka la khot tang katto katne ngut kiba ong Yess Boss ban urlong ka Public Hearing.
Shuh shuh u la ong, ka jingshahkhang jong ki kynhun Sengbhalang ban leit iashim bynta ha ka Public hearing jong ka Shree Cement da kaba jai jai hynrei la ngat pynban da ki lyer pynsat khmat bad kumjuh da ka jingshah bom Shah tied.
U la bynrap bad buh jingkylli ia ka sorkar “Hato ka jylla Meghalaya ka dang dei ne em ka jylla synshar paidbah kaba don hapoh ka ri India lane ioh ka jylla Meghalaya kam dei shuh ka synshar paidbah hapoh India, hynrei ka la dei pynban ka jylla kaba synshar donbor ba la pyniaid da ka Sorkar MDA bad lada dei ka synshar paidbah balei ym ailad ia ki briew ban leit pynsngew ha katei ka Public hearing bad balei hap pyndonkam da kaba bom lathi bad ki lyer pynsat khmat. Balei ki briew kiba don hangto ki dei ki kaikhlaw ki dei ki lehnoh hap ban da kawang da ki lyer pynsat khmat da kaba bom balei ki rah tiar pynmynsaw ki briew kiba don hangto kim rah wat tang uwei u dieng ruh bad ka jingkwah ki paidbah ka long ban leit pynsngew ha katei ka Public hearing halor ka jingkwah ka Shree Cement ban tih ia u Mawshun bad ban shna ia ka Cement plant ha katei ka jaka” .
Ha jylla Meghalaya ka jingkhlaiñ bor ka dei kaba dei bad ki nongjop ki dei kiba khlaiñ bor bad kane ka jingjia kaba la jia ha ka 30 tarik bad 31 tarik Naitung ka pyni ba ka Sorkar ka la failed ban iada ia ki paidbah nongshong Shnong kiba don ha East Jaintia Hills.
U Bah Wyraiwan Sohtun u la ong ka Seng ka pynrem jur ia ka jingleh ka Sorkar halor ka jingjia ha Lum Syrman bad na ka liang ka Seng ka khlem leit iashim bynta namar lah tip ba kam dei ka Public hearing hynrei lah dei ka Private hearing bad ka jingpyndep rukom ka MSPCB ia katei ka Public hearing ka Seng kam mynjur bad dawa ban pynlong biang ia katei ka Public Hearing bad ban khot lut ia baroh kiba pyrshah ruh bad kumjuh kiba kyrshan ruh bad ka Seng ka pynrem jur ruh ia ka jingleh ka tnad Pulit ban kawang bad bom da ki lathi bad kumjuh da kaba kawang lyer pynsat khmat.
Khatduh u la pynpaw halor ka jingkren u Bah Prestone Tynsong ba ka jingwan ki Kompani Cement ka wanrah jingmyntoi shibun bah bad ka Seng ka la ong lada ka Sorkar ka nud ban iatai nia khamtam ia Lai ngut ba kynthup ia u Myntri Rangbah u symbud Myntri Rangbah bah Prestone Tynsong bad kumjuh ia u Ma Sniawbhalang Dhar bad ki nongialam ka Seng HYDC ban ong ba ka Sorkar Meghalaya ka ioh nong na ka jingdon ki Kompani Cement ha East Jaintia Hills namar ka Seng ka iohi ba bun ka jingduh nong ban ia ka jingiohnong ia ka jingdon ki Kompani Cement ha East Jaintia Hills.
