Ka Election Commission jong ka ri India mynta ka sngi kala ai ia ka shap (symbol) na ka bynta ki kyrtong ki ban ia aireng ha kane ka MP elekshon sha ka Lok Sabha 2024.
Na ka bynta ki kyrtong jong ka 1-Shillong (ST) Parliamentary Constituency kiba don 6 ngut bad kine kila ioh ia la ki jong ki jong ki shap (Symbol) jong ki mynta ka sngi.
Ka Dr. M Ampareen Lyngdoh kaba dei ka kyrtong jong ka National People’s Party (NPP) ka shap jong ka, ka dei ka Kot (Book), u Dr. Ricky Andrew J Syngkon u kyrtong jong ka Voice of the People Party (VPP) ka shap jong u ka dei u Prah (Winnower), u bah Robertjune Kharjahrin u kyrtong jong ka United Democratic Party (UDP) ka shap jong u ka dei ka Bom (Drum), u ma Vincent H Pala uba dei u kyrtong jong ka Indian National Congress (INC) ka shap jong u ka dei ka Kti (Hand), u Prof. Lakhon Kma uba dei u kyrtong shimet (Independent) ka shap jong u ka dei ka shang ba don lang bad ki soh (Basket containing Fruits) bad u bah Peter Shallam uba dei ruh u kyrtong shimet hi (Independent) ka shap jong u ka dei u Daimon (Diamond).