Ka 10th Secondary School Football Tournament 2023-24, kaba la pynlong da ka Dorbar Shnong Pdengshakap, ha kane ka sngi Saitjaiñ bala dep kala lah ban pynlong ïaka jingïalehkai Semi-Final ba khatduh hapdeng ka YFC Trangblang pyrshah ïaka Thun FC, ha kaba ka Thun FC kala jop ïaka YFC Trangblang da 2-1.
Hapdeng ka jingïalehkai jong ka kylla step ka YFC Trangblang kala lah ban tam shwa shikol ba la ïoh ban thep da u Joseph haka minit ba 40. Haba la sdang ïaka jingïalehkai jong ka kylla miet ka Thun FC kala lah ban pynphai ïaka shikol kaba la ïoh ban thep da u F. Syndai haka minit kaba 65 bad ïaka kol pynjop pat la ïoh ban thep da u Zaza haka minit kaba 69.
Kumta ka Thun FC kala buh jaka ïalade sha ka final jong kane ka Tournament. Kum ban shu pynkynmaw baki teams kiba la ïoh rung sha ka final jong kane ka Tournament ki long hapdeng ka Rymbai Shkenshynriah SC bad ka Thun FC.
La pyntip ka jingïalehkai Final jong kane ka Tournament kan long haka 20-4-2024 haka por 1 baje nohphai sngi hapdeng ka Rymbai Shkenshynriah SC pyrshah ïaka Thun FC.
Naka liang jong ka Tournament Committee Pdengshakap lyngba ka kyrwoh bala phah da u Sports Secretary bah Oriswell Khyriem sa shisien ka khot bad wer lang ïa baroh ki pait ieit football jong ka thaiñ ban wan sakhilang ïakane ka jingïalehkai Final.
