Shaei jah ka Committee u Gopal Dey por ba shah pyniap u samla Lurshai Hynñiewta ha ki poi ei: JSU

Ka seng JSU ka la maham tyngeh ia u Gopal Dep bad ia ka Committee jong u ba kim dei ban pynshit lane kynnoh kulmar ia ki dkhot ka KSU ba ki don kti ban pyniap ia ki ar ngut ki jait bynriew dkhar ha Ichamati. U Gopal Dey um dei ban shu kynnoh kulmar bad ka seng ka la ong ba ki bor pulit kidei ban pynngat bad shitom hapoh ka aiñ ia u kum kine ki briew kiba kynnoh khlem ki sabut satar ba biang.
Ka seng ka la ong ruh ba lada jia ei ei ia ki dkhar shu shah kynnoh beit ki dkhot sengbhalang na ka por sha ka por bad ka seng ka la ong ruh u Gopal Dey ba um dei ban shu kynnoh khlem ka sabut bad ka kynhun tohkit ki pulit ki la leh la ka kamram. Ka seng ka la dawa ruh na ka bor Distrik bad na ka sorkar ba da lei lei ymdei ban ai lad ban pynlong jingialang ki ne ki kynhun poi ei ka CWC namar kan nang pynshit ia ki dkhot ka jaitbynriew bad kan nang wanrah shuh shuh ia ka jingsngewpher jaitbynriew bad ka ia umsnam.
Ka seng ka kylli ruh na ka sorkar jylla ba ia ki dkhar thrang snam kiba dkhat bad pyniap ia ka mynsiem ba lui lui jong u samla Lurshai Hynniewta ha Ichamati, hato lah ioh kem ne em ia ki bad haei lah set iaki? Ka JSU ka la dawa na ka sorkar ba ka dei ban sei madan ia ka case bad ban pynpaw pyrthei ia kito ki dkhar kiba dkhat bad pyniap ia ka jingim u samla jong ka Bri u Hynñiew Trep.