Mynta ka janmiet na ka liang ki bor synshar District jong ka East Jaiñtia Hills District kynthup ia ki Magistrate bad ki briew kiba peit ïa ka koit ka khiah ki la wan sha ka jaka shah thngan u Bah Marshall S.B Biam kaba don ha Rymbai Road, Ladrymbai Dongwah na ka bynta ban peit thuh ïa ka koit ka khiah ka jong u.
Haba kitei ki bor Doctor kila wan bad kila pyrshang ban eksamin ka ka koit ka khiah jong u bah Marshall, hynrei na ka liang jong u, u la kyntait ia kane bad pynpaw ba un shong shah thngan beit tad haduh ba ka sorkar kan ai ia ka jubab kaba shai halor ka jingshah ban tih ia u dewiong hapoh katei ka District.
Kum ban shu pynkynmaw u bah Marshall u la shong shah thngan ha kane ka jaka naduh ka 1 tarik u bnai jylliew 2026 haduh mynta ka jingshah thngan ka jong u ka long ban plie noh ïa u dewïong ban ïoh biang ban tih bad ban khaïi.
Ki paidbah ruh na kylleng ki jaka, ki la nang tuid ban wan ban ai mynsiem ïa u bah Marshall, katta naduh u General Secretary ka seng JSM u bah Roitre Dkhar, President ka JNC Ladrymbai Circle bad kiwei de.
