Mynta ka sngi ka HITO Laskeiñ Block Circle ka la leit ban ia kynduh ia u Executive Engineer, PWD ROAD (SHANGPUNG DIVISION) ha kaba ka seng ka la buh ka jingkyrpad ban pynshna ia ka surok Pohshnong ha ka shnong Nongkynrih khnang ban suk ki nongshong shnong khamtam ia ki khynnah skul ban leit skul namar ha ka por slap ki khynnah skul ki kynduh jingeh bha ba ka dap ka um bad ka ktieh ha surok.
Kumta na ka liang u samla Khiejoit Ñiang kum u President bad ki dkhot ka seng ki buh ka jingkyrpad kumjuh ia u ma Nujorki Sungoh, MLA ka 4-Mowkaiaw Constituency ban peit shimkhia ia kane ka surok khnang ban pynsuk ia ki nongshong shnong ka Nongkynrih. Ka seng ka la ioh lad ruh ban leit jurip ia ki surok kiba dang long surok khyndew ne surok maw.
Sa shisien ka HITO ka kyntu jur ia u MLA bad ia u Executive Engineer PWD ban leh iaka ba don kam khnang ban suk ki nong shong shnong.
