Ka kynhun jong ka Ri War Mihngi Exporter & Importer Association ha ka 28 tarik Jymmang 2026 ka la pynpaw ia ka jingsngewnguh ia ka sorkar naduh u MLA Bah Prestone Tynsong u Ma Sniawbhalang Dhar Myntri ba khmih ia ka tnad transport ka sorkar jylla halor ka jingkloi ka sorkar ban map noh ia ka khajna kali.
Haba kren sha ki lad pathai khubor na ka liang u President ka kynhun Ri War Mihngi Exporter & Importer Association u bah Niboron khongbinam u la kyntu ia ka sorkar ba kan sngap lang ia ka kynhun jong ki Exporter na Ri War bad kumjuh ia ka Jaintia ba kan pynheh shuh shuh haba iadei bad ka kad khaii khnang ba ki kali kit mar kin ioh ban phah kham bun ha ka shi sngi.
Kumta na ka liang ka kynhun ka kyrpad ia ka sorkar ba kan thaw ka lad ka lynti ban pynioh shuh shuh ki lynti kad khaii haba iadei bad ka iew ka hat na ka bynta ka khaii ka pateng .
Khatduh u la ong na ka liang ka kynhun kan siew ia ki khajna kali bad lada ka iew kam iaid naei yn siew ia ka khajna kali bad kumta na ka liang u President ka kynhun u kyntu ia ka sorkar ba kan plie shuh shuh ka lad ka lynti kum na Pyrdiwah Nongshken, Nongjri na ka bynta ka iew ka hat haba iadei bad ka khaii ka pateng na ka bynta ka thain Ri War Mihngi Exporter & Importer Association bad lada ki kad khaii ki bun ki nongkhaii ki lah ban leit 6sien ha ka shitaiew bad Kane kan wanrah jingmyntoi ia ki nongkhaii ka Ri war MihngiMihngi Exporter & Importer Association.