Ki samla bad ki rangbah jong ka thaiñ Khliehriat, East Jaintia Hills District, kila wan ban pyn iasoh bad ka seng Federation of Khasi Jaiñtia and Garo People (FKJGP) ha ka jingialang kaba la pynlong ha ka 11 tarik mynta u bnai ha Community Hall Khliehriat West, East Jaintia Hills District.
Ia ka jingialang pdiang burom bad pyntian smai ia kine ki dkhot la pyniaid da u Deihok Sumer General Secretary FKJGP, East Jaintia Hills District. Ha kane ka jingialang pdiang burom ia ki dkhot thymmai la ioh ia ka jingkren na u samla Rangbah D.S. War Chief Organising Secretary FKJGP Jaintia Hills Zone bad na u Samla Kitbok Nongphlang Chief Organising Secretary Central Body cum u Incharge FKJGP Jaintia Hills, ha ka jingkren jong ki, ki la pynpaw iaka jingsngew kmen kaba khraw ia kine ki samla bad rangbah kiba la jied ia ka FKJGP bad ruh ki la ai ia ki kyntien sneng kyntien khraw bad kitbok kit rwiang ba kin trei bha bad pyndep hok ia ka kam ba la bynshet ha ki.
U General Secretary ka seng kmie bah Dundee C Khongsit u la pdiang burom ia ki sha ka ing ka sem jong ka FKJGP bad naduh mynta ka sngi kin long noh ki dkhot ba pura jong ka seng bad u la shim ruh ia ka bynta ba kongsan ha ka ban pynskhem bad pyntian smai ia ki, ia kine ki dkhot ba thymmai ka seng la bynshet ha ki ba kin trei hapoh ka FKJGP Khliehriat Circle.
Ki nongkit kam ba thymmai ki long President Michal Chyrmang, Vice President Wanky Lyngdoh, Secretary Fullmoon Nongtdu, Assistant Secretary Dewis Shylla, Organising Secretary David Rymbai, Assistant Organising Secretary Kyrmen Tlang, Information Secretary Shainni Dkhar, Asst Information Sec Duohi Bareh, Education Sec-Ioowanki Chyrmang, Asst Education Sec Loveliness Shadap, Sport Sec. Samanlanki Phawa, Asst Sport Sec. Kermiki Bareh, Discipline Sec Rikhelmi Dkhar Asst. Discipline Sec. Iathuhkhana Phawa lem bad 25 ngut ki dkhot.
Nang trei shitom bad tur shakhmat na ka bynta ka lawei ka jaidbynriew jong ngi ,ngi kitbok kit rwiang ia phi ka FKJGP Khliehriat Circle .
“TUR SHAPRANG SHIPAI KA BRI U HYNÑIEWTREP”