Mynta ka sngi ka kynhun jong ki riew rangbah kila pyntip paidbah ba la thaw ïa ka Seng Advocacy Reform Movement (A.R.M), kaba dei ka seng ka ban ai ka jingshakri na ka bynta ka bha ka miat bad ka roi ka par jong ka jaitbynriew Hynniewtrep.
Kane ka Seng ka don ruh ka thong ban trei na ka bynta ka jingbha jong ki paidbah, ban ïada ïa ka hok jong ki, ban jingïarap ïa kiba duna bad kiba donkam jingïarap bad ban peit ruh ïa ki kam pule puthi, khamtam eh ha kaba ïadei bad ka jingthung kam kaba hok ïa ki samla kiba la pyndep ïa ki jingpule jong ki. Nalor kane, ka Seng kan trei ruh ha kiwei pat ki bynta kiba ktah ïa ka jingmyntoi jong ka imlang sahlang.
Mynta ka sngi la jied ruh ia ki nongkit kam jong ka Central Body kiba kynthup ïa u President: Shri Burom Dkhar, Vice President: Shri Deibormi Siangbud, General Secretary: Shri Jimmy Langstang, Joint Secretary: Shri Rius Dkhar, Chief Organising Secretaries: Shri Embok Dkhar bad Shri Joyful Kyndait, Education Secretary: Shri Lidar Papiah, Sports Secretary: Shri Damon Pasleiñ, Publicity Secretary: Shri Yoomiki Pasah, Disciplinary Secretary: Shri Vikesh Dkhar bad Chief Adviser: Shri Wanbun N. Dkhar.
Nalor kine, ka Central Body ka kynthup ruh ïa 50 ngut ki Office Bearers bad Executive Members, kiba yn trei lang ban pyndep ïa ki thong bad ki jingangnud jong ka Seng.
Ka Advocacy Reform Movement (A.R.M) ka kyrpad ïa ki paidbah ban ai ka jingïatreilang bad ka jingkyrshan, khnang ba ka Seng kan lah ban shakri hok ïa ka imlang sahlang da ka jingkitkhlieh, ka jingïatylli bad ka jingshisha.