Ka khubor sorkar ba la pyllait da ka Directorate, Food Civil Supplies & Consumers Affairs, katkum ka shithi No. DSCA/21/2024/Pt/122, Dt. 26th June, 2026, ka Ministry of Petroleum & Natural Gas, Government of India ka la pyntip sha ki paidbah baroh kiba pyndonkam ia ki Commercial LPG ba ka la weng noh la ki jingpyrkhing ha kaba ia dei bad ka jingsam (supply) ia ki tyndong lyer shet sha ki dukan ne ki Commercial (Non- Domestic Packed) LPG.
Namar kata, ka jingsam ia ki Commercial LPG la pynbiang katkum ki jingdawa ha ki por ha shwa ki jingkyrduh (pre-crisis levels), shuh shuh, la pynjem da 50% ia ki jingpyrkhing ha ka jingsam ia ki bulk LPG.
Ki nongpyndonkam ia ki Commercial bad Industrial LPG ki lah mynta ba ioh ia ki katkum ki jingdonkam jong ki lyngba ki nongsam jong ki (distributors). Ki Oil Marketing Companies (IOCL, BPCL, and HPCL) ki dei ban bteng ban buh ryntih ia ka unified database jong ki Commercial and Industrial LPG consumers.
Ki nongpyndonkam ia ki Commercial LPG kiba la kynriah sha ki Piped Natural Gas (PNG) ki dei ban iai bteng ban neh ha ka PNG. Ki nongpyndonkam kiba iohlad ban pyndonkam da ka PNG bad kiba kwah ban pynkynriah, yn sa pynkynriah shi-rta sha ka PNG.
Kane ka long katkum ka kyrwoh khubor la pynmih da u DC (Supply) ka East Jaintia Hills District, Khliehriat.