Ka Special Intensive Revision (SIR) kaba la sdang naduh ka 30 tarik Ïaiong ha baroh ki 313 tylli ki bynta thep vote kiba hap hapoh ki 5 tylli ki Assembly Constituency ha West Jaintia Hills District ka la poi sha ka thong kaba jop da kaba lah ban sam ïa ki Enumeration Forms (EF) sha baroh ki nongthep vote ka District haduh ka 21 tarik mynta u bnai.
U Deputy Commissioner (Election), West Jaiñtia Hills District, u la pyntip ba haduh ka 21 tarik Nailar, 2026, la sam haduh 2,20,478 tylli ki EF kaba kot 100 percent ïa ki paidbah nongthep vote jong ka District kaba dang ïaid shakhmat haduh mynta.
Na baroh ki Enumeration Form ba la sam, 1,26,248 tylli ki phom la dep ban pynkylla digital (digitalisation) kaba long 57.26 per cent jong ki nongthep vote. Napdeng ki Assembly Konstitwensi, ka Amlarem ka dei kaba heh tam ka jingkiew ha ka Digitization kaba long 77.72 per cent, bud sa ka Raliang 56.42 percent, ka Mowkaiaw 52.71 percent, ka Nartiang 51.27 percent bad Jowai 49.53 percent.
Ki paidbah kiba donkam ïa kino kino ki jingtip, jingïarap ne jingpynshai ha kaba ïadei bad ka rukom pynbeit thymmai kaba kyrpang ki lah ban phone sha ki Help Desk lyngba ki nombar jingïarap ba la buh kyrpang.
1-Nartiang- kong. Felicia Khonglah bad ma Apreciable Phawa- 7629892575, 9863402988
2-Jowai- kong Last Mary Born Phawa bad ma Daladeionmi Dhar– 8014825181,8414088025
3-Raliang- kong Karrihun Suchiang bad ma Pynbiang Sari- 7005839615, 9366792338
4-Mowkaiaw- kong Wanbha Lhuid bad kong Daiashanlang Phawa- 9863012643, 8258934463.