U Sub-Divisional Officer (Civil) jong ka Amlarem Sub –Division u la pyntip paidbah ba ka jingkieng (BUG Bridge No.4/1) kaba don ha Lakroh ha u surok Muktapur – Borghat ka la orpait naka por sha ka por bad la maramot ruh naka por sha ka por daka tnad PWD (Roads). Katkum ka jingleit jurip ba dang shen, la lap ba kane jingkeing ka buh ia ki nongleit nongwan haka jingma. Lada ym shim ki lad ban maramot bha, ka lah ban wanrah ki jingjia ba sngewsih.
Namarkata, ka tnad PWD (Roads) kan sa maramot bha ia katei jingkieng bad kan sa don ka jingkhang ia ki kali ban iaid khnang ban iohlad ban pynshna bha ia katei ka jingkieng na ka bynta ka jingbit jingbiang haka leit ka wan ki paitbah.
Namarkata, kane ka long ka jingpyntip ia ki paitbah baroh, kiba donkam ban iaid lyngba u tei u surok ba kan sa don ka jingkhang ia u tei u surok naduh 4 tarik u bnai May, 2024 por 4.00 A.M haduh 7 tarik u bnai May, 2024 por 4.00 A.M.
Na ka liang ka tnad PWD (Rds) ka kyrpad ia ki paitbah kiba iaid na kane ka surok ba kin iai shah shipor naka bynta ka jingbit jingbiang haka leit ka wan lyngba une u surok.