U Sub-Divisional Officer (Civil), Amlarem Civil Sub-Division Amlarem, u la pynbna paidbah ba namar ba ka jingkieng (Steel Truss Bridge No.3/1) kaba don ha Amshipai ha u surok Amlarem- Padu ka la orpait na ka por sha ka por bad la maramot ruh na ka por sha ka por da ka tnad PWD (Roads). Katkum ka jingleit jurip ba dang shen, la lap ba kane ka jingkieng ka buh ia ki nongleit nongwan ha ka jingma, lada ym shim ki lad ban maramot bha, ka lah ban wanrah ki jingjia ba sngewsih.
Namarkata, ka tnad PWD (Roads) kan sa maramot bha ia katei ka jingkieng bad kan sa don ka jingkhang ia ki kali ban iaid khnang ban iohlad ban pynshna bha ia katei ka jingkieng na ka bynta ka jingbit jingbiang ha ka leit ka wan ki Paidbah.
Namarkata, kane ka long ka jingpyntip ia ki Paidbah baroh, kiba donkam ban iaid lyngba u tei u surok ba kan sa don ka jingkhang ia u tei u surok naduh ka 4 tarik u bnai May, 2024 por 4.00 A.M. haduh 7 tarik u bnai May 2024 por 4.00 A.M.
Na ka liang ka tnad PWD (Rds) ka kyrpad ia ki Paidbah kiba iaid na kane ka surok ba kin iai shah shipor na ka bynta ka jingbit jingbiang ha ka leit ka wan lyngba une u Surok.