Ka Pnar Student Movement (PSM) central body ha ryngkat ki nongialam ka PSM Khliehriat circle, hynnin ka sngi ki la leit ban ai mynsiem ia u Marshall Biam, President ka JCOMSWA u ba dang shong shah thngan la 5 sngi haduh hynnin bad khlem da buh por tad haduh ba ka sorkar kan shah ia ka kam tih dewiong.
Na ka liang ka PSM ka la pynsngew ba ha ki por ba mynshwa hapoh u snem 2014 ka iew ka hat, ka tre ka ktah bad ka kamai kajih ka long kaba. Hynrei naduh ba la khang ia u dewiong baroh kine ki la hair lut bad buh ia ki nongshong shnong ha ka jingeh bakhraw nadong shadong khamtam ha ka ban pynnang pynstad ia la ki khun ki kti.
Kumta na ka liang ka PSM ka kyrpad ia baroh ki nongshong shnong jong ka ri lum Jaiñtia, ki sengbhalang kumjuh ia ki nongmihkhmat naduh ki MDC bad ki MLA ba kin wan ai mynsiem ia u Marshall Biam khnang ba un nang iohbor shuh shuh ban pynur long ia ka jingdawa.
Kumjuh ruh ka Seng ka buh ka jingkyrpad ia ka sorkar MDA-II hapoh ka jinglamkhmat u Conrad K Sangma kum u Chief Minister, u ma Sniawbhalang Dhar (Deputy CM) kamjuh ia u Prestone Tynsong, (Deputy CM) ki ba long ki nongialam ba ha khmat ba kin wad ki lad ki lynti ban ioh plie biang ia ka kam tih bad khaïi dewiong.
La kyrpaad ia ka sorkar ban shim khia kloi khmang ba u President ka JCOMSWA u Marshall Biam uba shong shah thngan un lait na ka jingshah ktah ka koit ka khiah jong u.
Kane ka long katkum ka kyrwoh na u Publicity Secretary ka seiñ PSM u S. Lakiang.
