Mynta ka sngi 2 tarik April ka Hynniewtrep National Youth Front (HNYF) ER hapoh ka jingialam u samla rangbah Shri, Pynbiang rymbai ki la leit ban ai da ka dorkhas ha u Superintendent of Police jong ka West Jaiñtia Hills District u ma C. Syrti, IPS halor jong ka jingshah pyniap dusmon jong u Kyrshandame Talang u ba shong ba sah ha ka shnong Mupliang.
Kum ban shu pynkynmaw ba u samla Kyrshandame Talang u la shah pyniap ha ka 10 trik Lber (March) ha ki bynta ba khappud ka shnong Mukhla, Myrjai ia ka met la lap ha ka jaka kaba tip kum ka Moosdai bad ia kane la leh da ki riewthrang snam ki bym pat ioh kem haduh mynta mynne.
Halor ka jingiakren u SP bad ka seng na ka liang u SP u la ong ba ki dang pynlong ia ka jing tohkit ban lap ksai ia kiba donkti ban pyniap ia u ne u samla.
Te na ka liang ka seng kala kyrpad jur ia u SP ban shim khia ia kane ka kam khnang ba kum kine ki jait jing jia kin ym jia shuh ha dien ha bud bad ka seng ruh ka pynrem jur ia kine ki jait briew kila ia syriem bad ki mrad.
Ka seng hi barabor ka juh ioh sngew na ki long kmie ki long kpa ki hynmen ki para jong ngi kiba la juh ong bad pyn sngew ha ka Seng ba ki la tieng la smeij wat ban leit bri leit lyngkha namar kine ki kam pyniap briew ki juh jia man ki por.
Na ka liang ka seng hi ka phah da ka khubor ba shai sha kine ki nong pyniap briew lada ka Seng ka lap ksai kan ym map da lei lei ia kum kine ki jait briew kiba pyntieng pynsmeij ia ka imlang sahlang pynkut ka kyrwoh na ka seng