Hynne ka sngi 18 tarik Jymmang 2026 ki nongkitkam jong ka Jaintia Coal Owner Miners Supplier & Workers Association (JCOMSWA) hapoh ka jingialam u President u ma Marshal S B Biam bad u General Secretary ma Khrawbor Ryngkhlem ryngkat ki dkhot ka seng ki la wan iakynduh ia u Chief Executive Member (CEM), ka JHADC ma Thombor Shiwat, ha ophis treikam jong u, ha kaba ki la ai ia ka dorkhas kaba kdew ia ki mat jongdawa jong ka seng.
Na ka liang ki nongkitkam ka JCOMSWA ki la kyrpad ia u CEM ban shimkhia halor ki mat jingdawa jong ka seng bad ban pyrkhat sngewlem halor ka jingeh jong ki nongshong shnong ka East Jaintia Hills na ka daw ba ki trai jaka (par dewiong) kim lah ban tih bad ban die kumba ju long shwa ba ka NGT kan khang tih bad shalan ia u dewiong.
Na ka liang jong u ma Thombor Shiwat u la shah skhor ia ka jingkyrpad jong ki bad u la ong ba ia kane ka kam (issue) yn sa ia kren ha ka EC Meeting jong ka Council ka ban long ha kane ka 20 tarik mynta u bnai.
Kumta na ka liang ki dkhot jong ka JCOMSWA kin sa wan iakynduh biang ia u CEM hadien jong ka 20 tarik mynta u bnai ban ioh jingtip halor ka rai jong ka EC ia ka jingkyrpad jong ka seng.