Ka Khasi Students’ Union (KSU) West Jaiñtia Hills District Unit kala pynkup burom ïa ki ar ngut ki Nongïalam jong ka KSU Central Executive Council kiba lah shong thait na ka seng bad kiba ju peit ju khmih (incharge) ïa ka KSU, West Jaiñtia Hills District Unit kata ka long ïa u samla Sonstar Nongkhlaw bad u samla Barikular Nongsiej.
Ha kane ka jingpynkup burom ladon ka jingïalang kaba lyngkot bala pynïaid da u samla Ehbok Sten uba dei u Asst Organising Secretary KSU WJHDU haka jingdon lang ki dkhot bad nongïalam jong ka KSU West Jaiñtia Hills District Unit naduh u Samla Shiningstar Kharbihkhiew bad Samla Badon Malngiang kiba dei ki Incharge jong ka KSU West Jaiñtia Hills District Unit ki Nongïalam naka District naduh u President Samla Laitphar Syngkrem, General Secretary Samla Lenningrad Tariang, Vice President Samla Chanbor War lem bad kiwei ki Nongïalam bad ki Dkhot.
Haba ai jingkren u President jong ka KSU WJHDU u samla Laitphar Syngkrem u la ong ba ki nongïalam jong ka KSU ki leit kiwan ki nongrim jong ka seng kan neh kumjuh bad ban dang pyntyllun ïa ki mat ki jura jong ka Ri bad ka Jaitbynriew hi baroh kawei bad u la ong ba ka jingshong thait jong ki Nongïalam u dang sngew bynnud palat bad u ong shibun ki jinghikai bad ki mati ba ki buh ban ïai bud dien ïaki deingjat jong ki, ula ai khublei bad kitbok kitrwiang ba kin ïoh ka met ba koit bakhiah haki sngi ba dang wan.
Kiba ai jingkren ha kane ka sngi ki kynthup naduh u Samla Shiningstar Kharbihkhiew, samla Lenningrad Tariang, Samla Chanbor War, Samla Lop S Khonglah, Samla M. Platini Mukhim kiba la kitbok kitrwiang ïa kine ki ar ngut ki Nongïalam kiba lah shongthait noh naka Seng bad la Pyrto ïaki kam ba bha ki jong ki.
