Ka Bharata Janata Party BJP Meghalaya Unit ka ka pynskhem thymmai ia ka Mawlai Mandal Committee ha ophis Jong ka BJP ha Shillong.
Ha kane ka sngi ba pynkha thymmai ia ka Mawlai Mandal Committee ka BJP ka la jied ia u Bah Synsharlang Mariong kum u President u ban ialam ia ka kynhun thymmai jong ka Mawlai Mandal Committee ha ryngkat bad 30 ki dkhot nongkitkam ba thymmai jong ka Mawlai Mandal Committee.
Ha kane ka sngi ba pdiang sngewbha ia ki nongkitkam ba thymmai jong ka Mawlai Mandal Committee la ia don ryngkat naduh u President jong ka BJP Meghalaya U Bah Rikman Momin, u MLA ka South Shillong u Bah Sanbor Shullai, u MLA ka Pynthorumkhrah u Bah AL Hek bad ki nongkitkam jong ka BJP Meghalaya Unit lem bad ki nongkitkam ba thymmai jong ka Mawlai Mandal Committee.
Haba kren sha ki lad pathai khubor u Bah M Kharkrang u la batai ia kane ka sngi kum ka sngi kaba sah jingkynmaw ia ka BJP ha kane ka jylla Meghalaya. U la ong ba bun bah ki paidbah ki la jied ban iehnoh ia kiwei pat ki seng sain pyrthei bad pyniasoh sha ka BJP namar ka jingngeit jong ki ha ka jingialam jong u Myntri Rangbahduh ka ri u Narendra Modi.
U bah Kharkrang u la ong ba ki paidbah ki wad ia ka roi ka par, ka jingsynshar kaba khuid bad ka jingkylla kaba bha ha ka jylla, kaba la pynshlur ia ki ban rung sha ka BJP.
U President ka BJP Mawlai Mandal u bah Synshar Maiong ruh u la pynpaw ia ka jingkmen halor kane ka jingwan rung dkhot thymmai. U la ong ba ka jingpynrung ia ki 36 tylli ki Mandal kan nang pynkhlaiñ shuh shuh ia ka nongrim sengbhalang jong ka BJP ha Mawlai konstiuensi bad kumjuh ruh ha kylleng ka jylla Meghalaya.
Ki nongialam ka BJP ki la ong ba ka seng kan iai bteng ban trei ha ki kyrdan ba shapoh, ban pynkhlaiñ ia ka seng ha ki shnong ki thaw bad ki konstitwensi ha kylleng ka jylla, bad ban rah ia ki polisi bad ki prokram jong ka sorkar pdeng sha ki paidbah.
