Ki nongpeit pyrman ka Elekshon ba dei peit ia ka jingpynlut pynsep ha kane ka MP Election sha ka Lok Sabha (Election Expenditure Observer) ba kynthup ia u Satyapal S Meena bad u Kamlesh Kumar kila wan poi ha nongbah Jowai na ka bynta ban shong jingialang bad ki heh ophisar jong ka West Jaiñtia Hills District ha Conference Room jong ka ophis u Deputy Commissioner mynta ka sngi.
Ha kane ka jingialang kitei ki Observer kila ioh ban iasyllok bad ka kynhun Expenditure Monitoring Team. Kine ki Expenditure Observer kila iakren ruh halor ka kamram bad ka bynta jong ka Expenditure Monitoring Team bad kila buh ka jingkyntu ia baroh ki dkhot jong kane ka kynhun ba kin long kiba lah ban pyndep bad ban pynpoi ia ka report ha ka por kaba biang.
U Deputy Commissioner jong ka District u bah B.S. Sohliya, IAS, uba dei ha ka juh ka por u District Election Officer bad Assistant Returning Officers, Nodal Officer and Expenditure Monitoring Teams ula iadonlang ha kane ka jingialang.