Ka Joint Action Committee (JAC) kaba kynthup ïa ka Jaiñtia Hills Truck Owner Association (JHTOA) bad ka East Jaiñtia Hills Truck Owner & Transporter Association (EJHTOTA), mynta ka sngi kila pynbna ban pynkup burom ïa ki lai ngut ki myntri sorkar ka jylla ha State Central Library, Shillong haka 1 tarik u Naitung, 2026 naduh ka por 11 baje mynstep.
Kitei ki myntri sorkar ba shah pynkup burong ki kynthup ïa u Myntri Rangbah ka jylla u Conrad K. Sangma lem bad ar ngut ki Symbud Myntri Rangbah kata u bah Prestone Tynsong bad u ma Sniawbhalang Dhar. Kane ka jingpynkup burom ka long shi bynta halor ka jingshimkhia ka sorkar ba mynta MDA-2.0 kaba la map noh ïa ki trai kali ban siew ïa ki bai kot bai sla kaba la buh jingeh ïa ki ban siew dep.
Ha ka kyrwoh khubor bala phah u Secretary JAC ma Kyrshan Dkhar ula khot ïa baroh ki trai kali bad ki kynhun sengbhalang ba kin ïawan khnang sha katei ka jingïalang, kum ka dak ban pynpaw ka jingsngewnguh ïa ka sorkar, da kaba ïasnohkti lang bad ka JAC khnang ba kane ka jingpynkhreh kan long kaba jop.
Katba u Chairman ka JAC ma Biangshwa Shylla ula ong kum ka seng trok ngi la pynbeit ban pynlong ïa kane ka prokram ban ai burom kyrpang ïa ka sorkar, kaba ïarap ïa ki trai kali lyngba ka skim (one time settlement) bad map noh ïa ka bai kot naduh kali kamai baroh haduh ki trok kit mar.