Ka jingïalehkai phubol jong ka kyrdan 3rd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 4 tarik u Nailar, 2026 ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong ka Borghat SCSC kala jop da 2-1 kol ïaka Nongsning Youth SC, ïa kitei ki kol na ka Borghat SCSC la thep da u Jonest Suchiang haka minit ba 3 bad u Samuel Shylla haka minit ba 75. Ïa ka shikol na ka Nongsning Youth SC la thep da u Lamphrang Pdang haka minit ba 77.
Haka jingïakhun kaba ar ka Dongumsngad SC Byndihati kala jop da shikol 1-0 ïa ka Pala SC, ïa katei ak shikol na ka Dongumsngad SC Byndihati la thep da u Firstwell Marwein haka minit ba 2.
Katba haka jingïakhun kaba lai ka Umstain SSCC kala jop da 7-1 kol ïaka Umrasong SSCC, ïa ki kol na ka Umstain SSCC la thep da u Rumiky Niang haka minit ba 25 & 58, u Pyrkhat Pynkhlong haka minit ba 29, u Da emitre Ladong haka minit ba 53 & 68, u Ricky Niang haka minit ba 62 bad u Teimon Suchiang haka minit ba 80+1. Ïa ka shikol na ka Umrasong SSCC la thep da u Teilang Rupsi haka minit ba 3.
