Ka Goodwill Mupliang SC kala jop da 5 wicket ia ka Young Lads CC ha ka Quarter Final ba nyngkong jong ka District Cricket League 2026 bala pynlong da ka West Jaiñtia Hills District Cricket Association, Jowai.
Hadien ba jop ïa ka toss, ka Goodwill Mupliang SC ka la jied ban kawang bol nyngkong. Ka Young Lads CC ka ba tied shwa ka la ïoh 152 run na ki 35 over bad hap 9 wicket. U Maremdorkini Sutnga ula long uba kamai bun run da 44 na ki 51 bol, katba u Eshan Siangshai ula kamai 13 run. Naka bynta ka Goodwill Mupliang SC, u Greatestful Lyngkhoi bad u Levestar Phawa ki la khur mar 3 wicket.
Ha ka inning kaba ar, ka Goodwill Mupliang SC kala lah ban beh ïa ka thong da kaba kamai 156 run na ki 23.3 over bad hap 5 wicket. U Byforcestar Dhar ula long uba kynsai tam da kaba tied 66 run, katba u Oniwanker Sna ula kyrshan da 35 run. U Meroily Lytan na ka Young Lads CC ula khur 3 wicket.
Ïa ka nam Man of the Match la ïoh rah da u Byforcestar Dhar jong ka Goodwill Mupliang SC.
Ka Quarter Final kaba ar kan long lashai ka sngi, 27 tarik, hapdeng ka Ummulong SC bad ka West Jaiñtia Police CC ha Khliehtyrchi Mini Stadium ha ka por 9 baje mynstep.