Ka Goodwill Mupliang SC kala jop da 3 wicket ïa ka The Legend (Lissi Pearl) haka Semi Final ba nyngkong jong ka District Cricket League-2026 bala pynlong ha ak sngi Palei 2-04-2026 da ka West Jaiñtia Hills District Cricket Association, Jowai.
Haka jingkynting pisa la jop da ka Goodwill Mupliang SC kaba la jied ban kawang bol nyngkong. Ka The Legend (Lissi Pearl) haba tied nyngkong kala kamai tang 73 run na ki 25.3 over bad kala hap lut baroh ki wicket.
Na ka liang ki nongtied kiba ïoh jong ki kiba ïoh ban kamai run khambun ki long u Conard Sana – 28 run (34 bol) bad u Rainbow Phawa – 16 run (32 bol), katba ki nongkawang bol ka Goodwill Mupliang SC kiba ïoh ban khur mar 3 Wickets ki long u Greatestful Lyngkhoi, u Defender Dhar bad u Levestar Phawa.
Haba wan ban beh ïa ka thong ka Goodwill Mupliang SC kala jop da kaba kamai haduh 78 run na ki 14.5 over bad hap 7 wickets. Ki nongtied kiba la kamai run khambun ki long u Richest Star Dhar – 24 run (24 bol) bad u Oniwanker Sna – 23 run (20 bol). Katba ki nongkawang bol ka The Legend (Lissi Pearl) kiba la ïoh ban khur mar 2 wickets ki long u Callten Sari bad u Dachange Mi Phawa.
Ïa ka nam Man of the Match la ïoh rah da u Greatestful Lyngkhoi naka (Goodwill Mupliang SC).
Ka jingïalehkai Semi Final ba ar kan long haka 04 -04-2026 hapdeng ka Lion Y&SA pyrshah ïa ka West Jaiñtia Police CC ha Khliehtyrchi Mini Stadium, haka por 9 waje mynstep.