Ka Dorbar Shnong Pdengshakap kaba pyniaid iaka jingialehkai football jong ka ia kaba la tip kum ka 12th Secondary School Football Knock-out Tournament 2025-26, kala ioh ban pynialehkai iaka semi-final ba ar ha pdeng ka Border Line Fc pyrshah iaka Rymbai Shkenshynriah Sc.
Hapdeng jong ka jingialehkai ka Border Line Fc kala lah ban pynliem noh iaka Rymbai Shkenshynriah Sc da 2-0 kol, ia kine ki ar kol la ioh ban thep da u Sumar Suting haka minit kaba 34 bad u Just Tham haka minit kaba 58.
Kum ban shu pynkynmaw ba ki teams kiba la ioh rung sha ka Final jong kane ka Tournament ki long ka Kemidon Fc bad ka Border Line Fc.
Te naka liang jong ka Tournament committee kan pynialehkai noh iaka Final haka 4-4-2026 haka por 1 baje nohphai sngi hapdeng ka Kemidon Fc pyrshah iaka Border Line Fc.
Sa shisien la khot bad wer lang ia baroh ki pait ieit football jong ka thaiñ ban wan sakhi lang iakane ka jingialehkai Final.
