Ka ophis District Social Welfare Welfare Officer, Jowai ha ka jingiatreilang bad ka District Police jong ka West Jaintia Hills kila pynlong ia ka Awareness prokram halor ka Nasha Mukt Bharat Abhiyan ha ka 20/03/2026 ha Lions Club Community Hall, Pohskur, Jowai.
U Inspector bah J.L Mjaw, In-Charge DCRB, jong ka ophis SP u la kren halor jingiada na ka jingpyndonkam ia u drug, ula kdew ia ka jingma bad ka jingroi jong u drug ha ka imlang ka sahlang. U la batai halor ka tynrai jong u drug bad ka jingshimkhia ban pynduh pyndam ia ka jingpyndonkam ia u drug da ka jingiasnohkti lang ki nongshong shnong, khamtam ki VDP, ki nongialam niam bad ki seng treimon sngewbha.
U bah Majaw u la ai jingbatai ruh halor ka NDPS Act, da kaba kyntu ia ki nongshong shnong kim dei ban shim ia ka aiñ ha kti ha ka jingiadei bad u drug, hynrei dei ban ai jingtip beit sha ki Pulit.
La wan mihkhmat ruh da ki nongtrei na ka Breakthrough Centre Khliehtyrshi bad ka Mihmyntdu Community Social Welfare Association (MCSWA) kiba la shimkhia ban ai jinghikai bad ai ka jingkyrshan ia kito ki briew kiba la ngop ha u drug.
Ha ka jingkren lamphang jong i kong Y. Najiar ba dei i District Social Welfare Officer ka la khring ia ka jingmut halor ka jingjur jong ka jingkiew ki nongpyndonkam drug, ila ban jur ia ka jingdonkam jong ka jinghikai pynsngewthuh, ka leh ei ei hapoh ka por ba biang bad ruh ban kyntu ia baroh ban iatreilang ban pynlong ia ka lawei kaba lait na u drug.
Ia ka jingialang la pyniaid da ka kong Y. Kyndait, Gender Specialized, DHEW.
