Mynnin ka sngi 23.3.2026 ka seng HITO Laskeiñ Block Circle ka la ïoh ban leit ai jingïarap ïa ki khynnah khun swet bad ïa ki bym don lad ban leit skul ha ka shnong Madan Pohkseh, West Jaintia Hills.
Ha kane ka sngi ka HITO ka la ïoh ban ai jingïarap sha ki 12 ngut ki khynnah ki bym don lad ban leit skul namar ba ki kmie ki kpa kim don lad ban pynleit skul ïa ki.
Ha ka jingïakynduh bad kine ki khynnah na ka liang jong u samla Khiejoit Niang, President u la ai ka jingsneng jingkyntu ïa kine ki khynnah bad ula pynsngew ruh ïa ki kmie ki kpa ba kim dei ban pynpep skul ïa la ki jong ki khun ki kti, khamtam ha kane ka pyrthei shai ba mynta ka long kaba donkam haduh katta katta ban pynnang pynstad ïa ki khun ki kti.
Haka juh ka por u la kyntu ïa ki kmie ki kpa ba ki dei ban trei shitom ban pynkhreh kot bha ïa la ki jong ki khun ki kti khnang ba kin lah ban pass ha ki kyrdan jingpule jong ki.
Kine ki 12 ngut ki khynnah ki kynthup 8 ngut ki kynthei bad 4 ngut ki shynrang bad la kynti ïa ki ban sdang ïa ka jingleit skul jong ki, namar ha kane ka shnong ki don lai tylli ki skul.
Kumta u President u la pynsngew ba ka seng kan pynbiang ïa baroh ki jingdonkam jong kine ki khynnah khnang ba kin lah ban sdang ïa ka jingleit skul jong ki. U la ai khublei ruh ïa ki kmie ki kpa bad kyntu ïa ki ban ïarap lem ïa ki khun jong ki, khnang ba kin poi sha ka thong jong ka jingjop.
