Ka tnad jong ka Arts and Culture Meghalaya mynta ka sngi ka la pynlong ïa ka jingai jinghikai (Workshop) ba ar sngi halor ka jingshna jingthaiñ kaba pyndonkam da u siej lane u shken, kaba la tip kum ka Eco-Friendly Bamboo Craft: Weaving and Carving Techniques ha Arts and Culture Hall ha nongbah Shillong.
ïa kane ka workshop la pynlong da ka tnad Arts and Culture, Meghalaya bad la bei pisa da ka Ministry jong ka Tribal Affairs, kaba la sdang naduh mynta ka sngi bad kut lashai ka 25-03-2026.
Ka jingthmu ba kongsan jong kane ka jingai jinghikai ka long ban pynshlur bad ai buit ïa ka jingthaiñ jingshna da u siej ne skhen kaba long ka shi bynta na ka lad ïada mariang, la pynshlur ruh ban pynmlien ïa kane ka kam ban pynneh pynsah ïa ka jinglong tynrai jong u mynbarim. Ka long ruh ha kajuh ka por ban ai lad ïa ki nongthaiñ kiba don ïa kane ka sap ban nang pynbha shuh shuh bad pynshlur ïa kane ka rukom kaba ïaineh ïaisah.
