Ka khubor Pulit ba la phah na ka ophis jong u Superintendent of Police, East Khasi Hills, Shillong la iathuh ba u wei u samla ba la tip kyrteng kum u Ebenezer Laloo, 25 snem ka rta ula jah na nongbah Shillong naduh ka 30.05.2026 bad khlem wan phai ïing shuh haduh bathoh ia ka khubor.
U ne u samla u don ka jingjrong kaba 5.3 ft, u long uba shai sniehdoh, u shñiuh ula lyngkot kdor bad ïong, u nang ban kren ia ka ktien Khasi bad Pnar. Ha ka por ba u jah u phong ka sopti kaba khleh rong blue, stem bad lieh, ka patlun tracksuit rongiong bad lieh bad u phong da ki slipar rong blue iong.
Ki bor Pulit ki kyntu ia ki riew paidbah ba lada don mano mano ba iohi ne ioh jingtip ia ka jaka ba u don kin sngewbha ban pyntip sha ki Police Station ba marjan lane phone ha kine ki number 6009196479 kaba dei jong ka Control Room bad ka number 8837282114 kaba dei jong ka Missing Desk (Crime Branch).