Ka Jaintia Coal Owners Miners Supplier & Worker Association (JCOMSWA), lyngba u Information Secretary u ma Over Come Dkhar u la ai ka jingpyntip paidbah ba na ka liang jong ka Association kan sa pynlong da ka jingialang paidbah ha ka 22/06/2026 ha Madanbol, jong ka Ladrymbai Dongwah kaba dei ka jaka ba la pynlong ia ka jingshong shahthngan u President ka Association u ma Marshall SB Biam.
Ia katei ka jingialang paidbah yn sdang naduh ka por 11:00 baje mynstep, kumta ka Association ka khot ka wer ia baroh ki paidbah na jan bad na jngai ban wan sha kane ka jingialang paidbah, khnang ban ia kren bad ia pylliew jingmut halor ki lad ki lynti ban dawa na ka sorkar ban kan pynkloi noh ban pyntreikam halor ki jingdawa kiba ka Association ka la buh, na ka bynta ka jingmyntoi lang jong baroh ki nongshong shnong ka thaiñ.