Ki bor pyniaid jong ka Pynursla Civil Sub-Division, lyngba u Add. Deputy Commissioner bah G. Warjri, MCS, kila pyntip ba la shah bad pyllait ia ka jingiaid jong ki kali ha ki bynta jong u surok Laitlyngkot – Lyngkyrdem (Chainage Kms 24+00 – 37+00) naduh ka 28/4/2026 katkum ki por ba la buh.
Ha ka por mynsngi la shah ban iaid kali naduh ka por 10:30 baje mynstep haduh 3:00 baje janmiet bad ha ka por miet pat la shah ban iaid naduh ka por 9:00 baje mynmiet haduh ka por 4:00 baje mynstep.
Kane ka jingpyniaid ba shipor kan sdang naduh 28 tarik bad bteng tad haduh ban da pynmih da kawei pat ka jingpynbna paidbah.
Ki bor pyniaid ki kyntu ia ki nongleit nongwan ban phikir bha haba iaid lyngba katei ka jaka bad lada long kaba lah dei ban kiar ban iaid ha ki por ba slap ka bneng ne ka por mynmiet.
La kyntu ia ki nongleit nongwan lada jia kino kino ki jingjia ki lah ban phone sha ka Pynursla Police Station No: 6909217154