Ka Manipal Hospital Em Bye Pass kaba dei kawei na ki jaka ai jingsumar na Kolkata ha ka 23 tarik Jylliew 2026 ka la ai jinghikai ia ki lad pathai khubor kumno ban pynkhlaiñ ia ki jingsumar lada jia ki jingjia kiba kyrkieh haba iadei bad ka koit ka khiah ia kaba la pynlong ha Shillong Press Club Shillong.
Ha kane ka sngi ki doktor batbit jong ka Manipal Hospital ki la shim bynta bad pynlong ia ka Anveshana Medical Education na ka bynta ki lad pathai khubor.
Ki doktor jong ka Manipal hospital kiba la wan ai jinghikai bad jingkren haba iadei bad ka koit ka khiah ki kynthup naduh u Dr Sarav Datta , Director Manipal Oncology Service & Senior Consultant, Head & Neck Oncology , Dr Arindam Mondal HOD & Senior Consultant Surgical Oncology , Dr Depdeep Sammadar , Associate Consultant, Medical Oncology bad Dr Shubhankar Chakrabarti Consultant Emergency Manipal Hospital.
Ha kane ka sngi la pyllait ruh ia ki Media Privilege Card na ka bynta ki nong thoh khubor haba iadei bad ki jingsumar ha kylleng ka Manipal Hospital bad kumjuh ki Doktor ki la ai jinghikai ruh kumno ban iarap ia kiwei haba iadei bad ka jingim briew kata ka Basic Life Support Skills.
Haba kren shaphang ka jinglong kongsan ban lap kloi bad shim ia ki jingsumar kiba bha ha ka liang ka jingpang bampong, U Dr. Sourav Datta u ong, “Ka jingsumar ia ka jingpang bampong ha kine ki sngi ba mynta ka la nang kiew bha ha kaba ka jinglap ia ka jingpang ka long kaba iadei beit thik, ki jingsumar ruh ki long kiba iadei thik bad ka jingpang, ka jinglah ban leh ia ka jingpuid da kaba pyndonkam ia ki robot, bad kumjuh ruh ki jingsumar kiba ha ki liang bapher bapher. Ka jingioh ia ka jingtip, kaba man la ka por, bad ka jingshim ia ki lad jingsumar ka long kaba donkam bha, khamtam ha kaba ka jinglap ia ka jingpang kaba slem kaba lah ban ktah bha ia ki briew.”
U Dr. Arindam Mondal u la bynrap, “Ka jinglap kaba kloi ia ka jingpang bad ka jingshim ia ki jingsumar ha ka por kaba
kloi bad ka jingleit iakynduh ia ki doktor ki long kiba donkam bha na ka bynta ban sumar ia ka jingpang bampong.
ka jinglah ban ai ka jingsumar kaba katkum ka juk ba mynta ban leh ia ka jingpuid na ka bynta ka jingpang bampong, kaba
kynthup ia ka jingpuid kabym da pynshitom eh bad rukom sumar kaba iada ruh ia ki dohjem, kaba la iarap ban nang
pynbha ia ka rukom sumar ia ki nongpang bad ka jingkhiah krad jong ki.”
Haba kren shaphang ki lad ki lynti ban sumar ia ka jingpang bampong, U Dr. Debdeep Samaddar u ong, “Ka rukom
sumar ia ka jingpang bampong ha kine ki sngi ba mynta ka donkam ia ki bynta bapher bapher kaba don lang ia ka
chemotherapy, ka rukom sumar kaba dei thik beit ia ka jaka ba pang ne ka targeted therapy, ka immunotherapy, ki
dawai kiba dei thik beit ia ka jaka ba don jingshitom bad ka jingkyrshan ha ka rukom sumar.
Haba ai ia ka jingpynsngewthuh paidbah shaphang ka jingleit ban peit bniah ia ka jingpang bad ka jingjied ia ki rukom ai jingsumar kiba thymmai ka long kaba donkam haduh katta katta ban pyniasoh hapdeng ki jingsumar kiba bit ba biang bad ka jingdonkam jong ka shnong ka thaw.
Haba kdew shaphang ka jingdonkam jong ka jingsngewthuh shaphang ka CPR, U Dr. Subhankar Chakrabarti u ong,
“Ki khyndiat minit hadien jong ka jingshitom sangeh ka jingtied u klongsnam ki long kiba kongsan haduh katta katta. Ka jingsngewthuh shaphang ka CPR bad ka jinglah ban ai jingiarap ia ka jingim ne ka Basic Life Support ka lah ban pyllait
im ia ki briew bad ka jingai jinghikai ia ki shnong ki thaw ka long kaba donkam bha ban pynkhreh ia ki nongshong shnong ba kin lah ban leh ei ei, lada jia kum kitei ki jingjia.
Lyngba ka Anveshana, ki Manipal Hospital ki iaibteng ban ai ka jingtreikam kaba radbah ban don ka jingiakren shaphang ka joit ka khiah, ka jingiatreilang bad ki shnong ki thaw, bad ka jingpynkup bor ia ki nongshong shnong ha kylleng ki bynta jong ka thaiñ shatei lam mihngi ka ri India da ka jingai ka jinghikai shaphang ki lad ai jingiada ha kaba iadei bad ki jingpang jingshitom, ki rukom sumar kiba katkum ka juk kaba mynta ha ryngkat bad ka jingpynkhreh.
Khatduh haba iadei bad ka shlem treikam jong ka Manipal Hospital, ka Manipal Hospital ka dei kawei na ki jaka ai jingsumar kaba don ha khlieh ban ai jingsumar bapher bapher ha India bad ka la ai jingshakri kumba 8 million ngut ki nong pang man la u snem bad khamtam ban ai jingsumar ha ka dor kaba bit bad ki jingshakri kiba kham bha. Ka Manipal Hospital ka don haduh 49 tylli ki hospital ha ki 24 tylli ki nongbah jong ka India bad kumba 12,600 tylli ki jingthiah bad kumba 11000 tam ki doktor bad ki nong trei ki don haduh 34,000 ngut , ka Manipal Hospital ka la ai jingsumar ia kiba bun ki nong pang na kylleng ka pyrthei bad ka la ioh ruh ka jingithuh na ka AAHRRP bad na kiba bun ki shlem hospital jong ka Manipal ki don ia ka NABH, NABL, ER ki don ruh ia ki Blood Bank kiba la ioh jingithuh bad kumjuh haba iadei bad ka jingtbit ka jingsumar jong ki Nurse ha katei ka Hospital.
