Ka Dedicated for Public Transformation Jaintia Hills Society (DPTJHS) mynta ka sngi hapoh ka jinglamkhmat u Chairman ma Pyndap Shadap ryngkat bad ki dkhot jong ka, kila leit ban ai jingiarap sha ki 50 ngut ki nongshong shnong ka Iooksi Ksanmynsar da ki Borti bad ki Musari.
Ha kane ka jingialang la iadon lang da ki nongioh bynta ryngkat u Secretary Shnong Ma. L. Biam u ba la ai ki kyntien sngewnguh. U Chairman ma R. Suchiang, u la pyniaid ia ka jingialang. Ha shwa ban sam ia kine ki jingaisngewbha sha kitei ki 50 ngut la ioh ia ka jingkren na ki dkhot jong ka Society kiba kynthup ia u ma D. Lyngdoh, ma Iaishah Sutong, ka kong R. Syntem bad ka kong C. Sten.
Baroh ki nongkren kila pynpaw ba ka Society ka don tang kawei ka thong, kata ban iarap katba kot la ka bor ia ki para briew ha ka imlang ka sahlang, da kaba pynmih pisa na ki para dkhot jong ka Society. Hadien ka jingiakynshew para dkot bad ba la dap ka pisa ki sa jied pat ia ki shnong bad ki jait tiar ban leit ai jingiarap sha ki nongshong shnong kiba don hapdeng ka jingduk jingkyrduh.
Kane ka long katkum ka khubor kaba la pyllait da u ma Rimiki Dkhar, Secretary ka Society.
