Ka Meghalaya Bharat Scouts and Guides mynta ka sngi kala rakhe ia ka Founder’s Day bad World Thinking Day, ha State Headquarters, Shillong da ka ba kynmaw burom ia ka sngi kha jong u nongseng u Lord Baden Powell bad ka lok jong u ka Lady Baden Powell halor ka phang ‘Our World Our Thriving Future: The Environment and Global Poverty’.
Ka kong T. K. Bamon, Joint State Secretary kala long ka kongsan ha kane ka sngi, ka pynpaw ba ba kum ki dkhot jong ka Scouting bad Guiding ka la dei ka por ba kin pyninoh da ki kam na ka bynta ban pynneh pynsah ia ka mei mariang na ka bynta ka lawei ban wan.
Ka kong M. Lyngdoh, Asst. State Training Commissioner (Guides) ka la iashim bynta kum ka symbud kongsan.
Ha kane ka sngi la lum ruh ia ka jingkynshew “World Thinking Day Fund” ia kaba yn sap hah sha ka National Headquarters, New Delhi lyngba ka State Headquarter bad ia kine ki jinglum jingkynshew yn sa pynpoi pat sha ka WAGGGS (World Association of Girl Guides and Girl Scouts).
