U Chairman ka Green Tech Foundation u lah mih na Woodland ban wan sha Madan Malki hadien ba la ioh pdiang ia ka shithi na Ka Sorkar.
Kum ban shu pynkynmaw ka jingiakhih ka Green Tech Foundation ban shong shah thngan ka long ban dawa na ka Sorkar ban weng noh ia ka Project ha Lumpongdeng.
Ka Green Tech Foundation ka la sdang ia kane jingiakhih da kaba tur Sha Secretariat bad hadien kane ki la leit ban shong shah thngan ha madan Malki ha kaba u Chairman ka Green Tech Foundation u la poi Sha Hospital bad hadien kane la bteng sa u Secretary ban shong shah thngan bad ha ka 20 tarik ïaiong 2026 ka Sorkar ka la rai ban weng noh ia kane ka project ha Lumpongdeng bad hadien 12 sngi jong ka Jingshah thngan ka Green Tech foundation ka pynsangeh noh ia ka jingiakhih shong thngan hadien ba ka Sorkar ka la rai ban weng noh ia ka project ha Lumpongdeng bad ka la ai da ka jingthoh Sha ka Green Tech Foundation.
Na ka liang u Chairman u Bah H Bansiewdor Nonglang haba ia jingkren ha Madan Malki u la ong ka Sorkar ka la pyndem bad u Lumpongdeng un dei biang jong ki paidbah naduh mynta haduh ka pateng ka ban wan bad u la ong 12 sngi ka jingshah thngan ka la iaid, 20 tylli ki drip ka Green Tech Foundation ka la ioh ia ka jingjop bad ka Sorkar ka la pyndem ka burom baroh ka leit sha u Blei, sha ki paidbah kiba kyrshan ia kane ka jingialeh jong ka Green Tech Foundation bad kumjuh Sha ki dkhot Sengbhalang bapher bapher kiba la ia don bynta ban kyrshan ia ka Green Tech Foundation ban dawa weng noh ia ka Project ha Lumpongdeng.
