Hapoh 15 sngi pan jubab ka HNYF na u DC ba duna palat ka por ban thep Application ha District Session Court

Ka Hynñiewtrep National Youth Front (HNYF) Jowai Circle hapoh ka jingïalam u President u Chanbor Lyngdoh kila dawa ïa u Deputy Commissioner ka West Jaiñtia Hills bad ka District Session Court Khliehtyrsi, West Jaiñtia Hills, ban buh por shuh ïaka jingpdiang ïa ki Applications Forms ïa ki Post ba lait kum ka Stenographer, Assistant Libarian, Lower Division Clerk-cum-bench, Record Keeper bad ka Process Sever.
Ka jingdawa naka seiñ kadei naka daw ba ïoh ka jingujor naki paidbah ïa ka jingbym ïa hap ïa ka deadline ban pdiang ïa ki application forms kumjuh ruh lah shem katkum ka office memorandum jong ka Government of Meghalaya Personnel and Administrative Reforms lah thoh ba ka por ban Notify ïa ki post kadei ban don hapoh shi bnai ha ki local news ne local newspaper.
Ka seiñ ka dawa ruh ban pyshai halor ka jingduna ki post ba lait kum ka Stenographer, Assistant Libarian, Record keeper bad ka process server naka bynta ki Khasi-Jaiñtia Category.
Na ka liang ka seiñ ka la buh por khatsan sngi ban ïoh ka jubab halor kine. Kane ka long katkum ka khubor na u General Secretary ka HNYF Jowai Circle u Niki Sten.