Halor ka jinglip lait ba khah khah ha ki thaiñ Khonshnong, Iooksi bad Saphai ba hap hapoh ka 33kv substation Priang bad 11kv substation, ka Jaintia Revolutionary Council (JRC), lyngba u President jong ka, u bah Leoferdinand Suiam, ka la leit buh da ka dorkhas sha ka ophis u Superintendent Engineer (SE) jong ka Meghalaya Power Distribution Corporation Limited (MePDCL) Jowai, halor ka jingbym biang ka jingsam bording kaba ktah ia ka paid nongshong shnong jong katei ka thaiñ.
Ha ka jingiakynduh bad u SE u la batai ba ka bording sha kitei ki thaiñ ka wan na ka power station kaba don ha Mowwakhu. Ka transmission line lane ki tyllai sam bording ka dei ban iaid lyngba 33-kilometer na pdeng khlaw, bad namar ba mynta ngi don hapdeng ka por slap (monsoon), kane ka pynlong ia ka jingbym biang ka bor ding ha kitei ki thaiñ. U SE u la ong kum ka lad ban pynbeit ia kane ka jingeh, u SE u la iathuh ba u la dep ban ai ia ka jingtyrwa (plan) ban pyniasoh (connect) ia ka bor ding sha kitei ki thaiñ na ka sub-station kaba don ha Mowkaiaw, kaba long ka jaka kaba jan eh bad kitei ki thaiñ. Kane ka plan kan iarap ban pynbiang ia ka bor ding kaba skhem sha ki paidbah bad ruh u la ong ba un phah ia u SDO ban leit peit ban phah pynkhuid ia ka jaka ka ba kine ki transmission line ki iaid.
Halor kine ka JRC kan dang bud dien ia kane ka kam haduh ba ki paidbah kin da ioh biang ia ka bor ding kaba biang bad kaba skhem.
Kyrwoh
Mr. Leoferdinand Suiam
President, Jaintia Revolutionary Council (JRC)