Ki 10 ngut ki ophisar ba dang don ha ka training (Officer Trainees (OTs) jong ka Indian Institute of Mass Communication (IIMC), New Delhi, ki la leit ban ia kynduh ia u Lat ka jylla u Phagu Chauhan ha jaka sah jong u ha Raj Bhavan, Shillong.
Kane ka jingwan ia kynduh jong kine ki ophisar ia u Lat ka long kum shi bynta na ka prokram jong ka Indian Information Service (IIS) Group ‘A’.
Shuh shuh kane ka jingwan jong kitei ki ophisar ka long ba tip kham bniah shaphang ki jinglong jingman jong ka thaiñ bad ka jingpyniasoh ia ka jylla Meghalaya. Ka jinglum jingtip ruh halor ka jingtreikam ki media ha kaba iadei bad ka jingshakri paidbah.
Ha kane ka jingiakynduh na ka liang jong u Lat ka jylla ruh ula ai ki kyntien sneng kyntien kraw bad ka jingpynshlur ia kine ki 10 ngut ki ophisar. Iathuh ka khubor ba la pyllait na ka ophis jong u Lat ka jylla.
