Ka Jaiñtia Student’s Movement (JSM), Western Region ha kane ka 25 tarik u Ïaïong, 2026 sngi Saitjaiñ kala ïoh ban pynskhem ïa ki nongkitkam thymmai jong ka JSM Western Region West Jaiñtia Hills District.
Ïa ka jingïalang ha kane ka sngi la pynïaid da u Eddi Lamare uba dei u Vice President JSM Central Body haka jingïadon ryngkat u President Rangbah Bah Leningstar Rymbai, u P.S. Phawa, Chief Organising Secretary ka JSM Central Body bad ki nongïalam ka JSM Central Body.
Ha kane ka jingpynskem ïa ki nongkitkam ka seng la wan ban ïashim bynta da baroh ki Unit, ki Circle jong ka JSM kiba hap hapoh ka JSM Western Region, West Jaiñtia Hills District.
Na ka liang jong u Leningstar Rymbai, President JSM Central Body ula ai jingkren halor ki mat treikam jong ka JSM bad ruh ïa ki kyndon kiba ka seng ka trei kam, kumjuh ula kyntu ïa ki nongïalam ka JSM, Western Region ban kit ïaka lyngkor kum ki nongïalam.
Ïa ki nongkitkam thymmai kane ka Region la pynbam smai da u Eddi Lamare uba dei u Vice President JSM Central Body. Ula ai ruh ïa ki kyntien kyntu kynpham ïa baroh kine ki dkhot thymmai, ula buh ruh ka jingkyntu ïa ki, ba ki dei ban ai ka jingshakri kaba hok ïa ka imlang ka sahlang.
Ki nongkitkam thymmai kiba la shah jied ki kynthup ïa u Heihok Supuh kum u President, u Shanskhem Suchiang Vice President, u Overjoy Lamare Secretary, u Sunidonhi Sari Asst. Secretary bad kiwei kiwei ki nongïalam ka Seng ha ki post bapher bapher hapoh ka Western Region.
Na ka liang ka JSM, Western Region kala rai bad buddien bad ban ai ka kti jingïarap sha ka imlang sahlang naduh ka pule puthi ka koit ka khiah bad kiwei kiwei kiba ktah mat ïong ïa ka Ri Jaiñtia ka Ri 12-Daloi.
