Ka Hynniewtrep National Youth Front South East Sohra Circle ha ka 24 tarik ïaiong ka la leit ban buh da ka jingthoh ha ka ophis Jong ka Block Development Officer Shella Bholaganj haba iadei bad ka jingthmu ka Sorkar ban pyndonkam da ki Nonghikai ha ka ban lum ia ki Census.
Na ka liang u Nongaiktien ka Seng HNYF South East Sohra Circle u Bah Banjop Khongwir u la ong ka jingeh Jong ki nonghikai ka long lada ki nonghikai ki pynlut por ha kine ki bynta ba la bthah da ka Sorkar ha ka Election Commission bad ha ka jinglum Census bad ia kane ka ktah ia ka pule puthi.
Nalor kata u la ong ka jinghiar ka pule puthi ka dei namar ia ka por Jong ki nonghikai la pyndonkam noh ha ka Election Commission bad ha ka Census .
U la bynrap lada pyndonkam ia ki nonghikai ha kine ki bynta ki nonghikai ha ka por ba ki leit Sha ki jaka hikai ia ki khynnah ki hap ban shim ar shah ban pyndep ia ka kamram na ka bynta ki khynnah bad kane ka ktah ia ki bor pyrkhat ki khynnah bad kumjuh ha ka koit ka khiah ki khynnah . Ka Seng ka la buh jingkylli ruh ia ka tnad ka koit ka khiah hato ka la Don ne em kata ka jingleh survey na ka bynta ki khynnah skul halor ka jingleit shim bynta ki nonghikai ha ki bynta Jong ka Election Commission bad ka Census.
U la pyntip ruh ba ka Seng ka kyntu ia ka Sorkar ba ka dei ban sangeh noh ia ka jingbuh kam ia ki nonghikai haba iadei bad ka Election Commission bad ha ka kam Census khnang ba ki nonghikai ki lah ban pyndep ia ka kamram na ka bynta ka pule puthi khnang ba jylla kan kiew ha ka jingnang ka jingstad.
Khatduh u la ong ba ka Seng ka la kyntu ruh ia ka Sorkar ba kan thung noh da ki Samla Kiba khlem pat ioh kam ha ki jaka Jong ki nonghikai.