Kawei longkmie kaba la tip kyrteng kum ka Sonika Langstang kaba na ka shnong Tympiahkasu, East Jaintia Hills District, ka la jah na la ïing ryngkat bad i khunlung jong ka, kaba dang shi snem tam ka rta. Kane ka longkmie bad itei i khunlung ki la jah na ïing naduh ka por kumba 8 ne 9 baje mynstep ha ka 8 tarik mynta u bnai Iaiong.
Kane ka longkmie ka la phong da ka sopti rong iong bad ha katei ka por ba ka jah ka khlem rah kino kino ki tiar ki tar, kum ki jaiñ ki nep bad kiwei de. Kumta na ka liang kiba ha ïing jong ka, ki la kyrpad ia kino kino ki briew kiba iohi ia kane ka longkmie lem bad itei i khun jong ka, kin sngewbha ban pyntip da kaba phone ha u number 6009019952.