Ka Khasi Students Union Sengkmie ha ka 31 tarik Naitung 2026 ka la pynpaw ia ka jingsngewkhia halor ka jingjia kaba la jia ha ka 30 tarik bad hynne ka sngi ka 31 tarik ha Lum Syrman halor ka hearing jong ka Shree Cement Ltd.
Haba kren sha ki lad pathai khubor na ka Liang u President ka KSU Sengkmie u Bah Raymond Kharjana u la ong ka Seng ka pynrem halor ka jingjia hynin ka sngi bad hynne ka sngi halor ka jingjia ha Lum Syrman.
Nalor kata u la pynpaw ba ka Seng ka lah leit ban kynduh ia ki bor ba dei khmih ban kyrpad ban pynbiang ia ki bor pahara khnang ba baroh bad kiwei kiwei ruh ki ioh ban pynsngew .
Shuh shuh u la ong kumba iohi ka long ba kiba kyrshan ki ioh lad ban rung sha ka jaka bad kiba kwah ban pynsngew ki lah Shah Kawang lyer pynsat khmat , Shah pynjulor ki Kali Shah Lynthem maw bad Kane ka pyni ia ka jingbym long iaid beit iaid ryntih ha ka synshar paidbah.
U la bynrap ha ka synshar paidbah kumba tip dei ban ioh lad da baroh ban pynsngew paidbah hynrei ka jingpynlong ia ka jingpynsngew paidbah lane ka public hearing hynne ka sngi ka long ba ka la don lypa ka jingthmu ban ailad ia ki nongkyrshan bad ka la don lypa kaei kaei sha lyndet ban ai beit ia kata ka jingmynjur ia ka Shree Cement Ltd.
Ka Public hearing kaba long mynne Kam dei shuh kata ka Public hearing ka lah dei ka hearing jong ki katto katne bad tang ban pynwandur ba ka lah don ka hearing hynrei khlem da sngap Pat ia kiba bun balang la ong u President Ka KSU.
Ka Seng ka pynrem jur ia ki bor pyniaid district, ia ki Pulit ia ka MSPCB, wat hapdeng kiba bun kiba pyrshah ka pyniaid beit ia ka Public hearing bad ka Seng kan sa shong pyrkhat da kiwei pat ki sienjam haba don kum kine ki jait Public hearing .
Kumba ka jia mynne ka lah ban don ka jingiasylla lypa hapdeng ka sorkar jylla , ka District Administration, ki nongialam ka Elaka , ka MSPCB bad ka Shree Cement.
Lada don jingjia ia ki paradoh parasnam ha ki thain Khappud ym ju iohi ba kin phah pyrton Pulit kumba ki phah ha kine ki sngi sha Katei ka thaiñ.
u la ong kane ka jing pynlong ia ka public hearing ka Seng ka Suba jur ba ka lah ban don ei ei ka jingpynbeit lypa bad ka Seng nangne shakhmat kan sa pyrkhat da kiwei ki lad ki lynti.
Ka jingbei Pisa ia kita ki briew ban wan sha ka public hearing,Na ka Liang ka Seng ka Kren da kaba shai sha ki langïong baroh ba kan nym leh da kaba sting bad kan leh la ka jong ka jingstad khnang ba ki langïong Kim lah ban die duh ia ka ri bad ka jaitbynriew.
Na ka Liang ka KSU ka la pynpaw ba ka Sorkar ka dei ban shim ia ka jingkitkhlieh halor ka jingjia mynta ka sngi ki bor district, ki bor Pulit bad ka Sorkar ka dei ban shim da ki sienjam kiba tyngeh ia ki nongialam khamtam ia ki nongialam jong ka Meghalaya State Pollution Control Board