Haduh mynta ka step ka jinglong jongman jong ka thma hapdeng ka Israel bad ka kynhun lehnoh Hamas jong ka Palestine ka long kumne:
Kila don haduh 33,634 ngut ki nong Palestine kiba la shah pyniap bad 76,214 ngut kila mynsaw na ka jingshah hiar thma ka nongbah Gaza kaba la sdang naduh ka 7 tarik u October mynshem snem (2023).
Katba ka jingiap jong ki nong Irael na ka jingthom bor jong ki Hamas naduh ba sdang ka thma ka kot sha ka 1139 ngut bad da ki phew ngut ki nong Israel kiba dang don hapdeng ka jingshah rah bor haduh mynta.
Ka jingjia ba dang thymmai ka long ba haduh mynta step (13.4.2024) ki la don 5 ngut ki nong Palestine kila iap bad 30 ngut kila mynsaw ha nongbah Gaza iathuh ka khubor na ka Gaza Civil Defence.
Shuh shuh ka Israel ka dang bteng ia ka jinghiar thma ha ki bynta jong ka West Bank kaba la wanrah ia ka jingiap jong uwei u nong Palestine bad mynsaw bun ngut. Ka la don ka jingshah thang jong ki kali bad ki ïing briew kumjuh ka jingshah siat jong ki kali Ambulance.
Ka ri Israel ruh ka don mynta hapdeng ka jingma bad ka jingpahara bajur bha jong ki shipai, namar ba kala don ka jingmaham na ka ri Iran ba ka lah ban hiar thma ia ka ri Israel ha kano kano ka por.